2025 жылдан бастап газ саласындағы ынтымақтастық параметрлері туралы Қазақстан Республикасы Үкіметі мен «Газпром» АҚ арасындағы Келісімде көрсетілген тапсырмаларды орындау шеңберінде «КазРосГаз» ЖШС шикі Қарашығанақ газын өңдеудің толық цикліне, оның Орынбор газ өңдеу зауытында өңделуіне, тасымалдауға және сатуына қатысты ұзақ мерзімді келісімшарттардың жасалғанын хабарлайды. Бұл келісімшарттар сонымен қатар тауарлық газды ұлттық оператор — «QazaqGaz» ҰК» АҚ-қа жеткізуді қамтиды.
Қол қойылған келісімшарттар ұзақ мерзімді болып, шикі Қарашығанақ газын тұрақты жеткізу мен өңдеуді, сондай-ақ ұлттық операторға тауарлық газды жүйелі жеткізуді қамтамасыз етеді. Бұл газ нарығының тұрақтылығын нығайтуға, баға қалыптастырудың болжамдылығын арттыруға және халық пен өнеркәсіп үшін газбен қамтамасыз етудің сенімділігін қамтамасыз етуге мүмкіндік береді. Тараптар өзара іс-қимылдың негізгі коммерциялық және технологиялық параметрлерін келісіп, кешенді жоспарлау, инфрақұрылымды жаңғырту және операциялық әрі нарықтық тәуекелдерді азайту үшін жағдай жасалды.
Аталған келісімшарттарға қол қою — «КазРосГаз» ЖШС үшін стратегиялық маңызды қадам болып табылады. Ұзақ мерзімді міндеттемелер компанияның елдің газ саласының жүйе құраушы қатысушыларының бірі ретіндегі позициясын күшейтеді, газды өңдеу мен сату процестерінің ашықтығын қамтамасыз етеді және «QazaqGaz» ҰК» АҚ және нарықтағы басқа қатысушылармен тұрақты серіктестікті дамытуға ықпал етеді.
«КазРосГаз» ЖШС газ тізбегінің тиімділігін арттыру, энергетикалық қауіпсіздікті нығайту және тауарлық газды ұзақ мерзімді келісімшарттар бойынша тұрақты жеткізуді қамтамасыз етуге бағытталған саясатты одан әрі жүзеге асырады. Қол қойылған келісімдер газ саласын дамытуға елеулі үлес болып табылады және «КазРосГаз» ЖШС-ның мемлекеттік стратегиялық басымдықтарға және Ресей Федерациясымен ұзақ мерзімді ынтымақтастыққа берік адалдығын растайды.
