Ұлы Отан соғысындағы Жеңіс күнінің мемлекеттік мерекесі қарсаңында «ҚазРосГаз» ЖШС ұжымы атынан жастар комитетінің өкілдері Ұлы Отан соғысының ардагерлеріне барып, соғыс жылдарындағы ерлігі мен қажырлы еңбегі үшін алғыс білдірді.
4 ардагерге ілтипат жасалды:
Ишмұхамедов Әбдірахман Шәріпұлы, 21.10.1924 жылы туған - ҰОС ардагері, майданға 18 жасында өз еркімен кеткен. Майданда ардагер кабельші- байланыстырушы қызметінде басқару штабтарымен байланыс орнатуға жауапты болған. 82-ші № 319 атқыштар полкі, Солтүстік-Батыс, Балтық және 4-ші Украин майдандарының 253 дивизиясы құрамында соғысқан. «1 және 2 дәрежелі Отан соғысы», «Қызыл Жұлдыз» ордендерімен, «Жауынгерлік еңбегі үшін» медалімен, сондай-ақ мерейтойлық медальдармен марапатталған.
Кудин Илья Григорьевич, 26.07.1927 жылы туған - Ұлы Отан соғысының ардагері, Қиыр Шығыс майданындағы соғысқа қатысып, Жеңіс күнінен 7 жыл өткен соң ғана демобилизацияланды. «III дәрежелі Отан соғысы» орденімен, сондай-ақ мерейтойлық медальдармен марапатталған.
Абдрахова Василя, 20.10.1927 жылы туған - ҰОС ардагері, соғыс жылдарында медбике болған, 1-ші Украин, Сталинград майдандарына қатысқан. «2 дәрежелі Отан соғысы» орденімен, «1941-1945 жылдардағы ҰОС ардагері» белгісімен, «Маршал Г.К. Жуков», «Германияны жеңгені үшін» медальдарымен, сондай-ақ басқа да мерейтойлық медальдармен марапатталған.
Жетпісбаева Асьма Сейсембекқызы, 02.03.1928 жылы туған-еңбек майданының қатысушысы, соғыс жылдарында бүкіл отбасынан айырылып, 1941 жылы 13 жасында құю цехына жұмысқа орналасып, еңбекке араласқан. Мерейтойлық медальдармен марапатталған.
